-- ADVERTISEMENT --
Indi na kinahanglan pa nga usisaon sang Kamara ang Senate impeachment court kun interesado ini nga dayunon ang impeachment ni Vice President Sara Duterte.
Suno kay Bukidnon Representative Jonathan Keith Flores, magahimo mismo sang kaugalingon nga tikang ang Kamara bangud indi man mahimo nga manduan sang House ang Senado nga kinahanglan na nila magdesisyon.
Sa paglantaw niya, wala sang bag-uhon ang Kamara sa panindugan natuhoy sa impeachment.
Nahibaluan nga nakapasa na ang Kamara sang una nga ginapangayo nga certification sa diin nasaad nga ang reklamo ang wala nagalapas sa pagsulundan sa diin isa ka impeachment complaint kada tuig lamang ang ginapahanugutan batuk sa amo nga opisyal kag ang reklamo ang nagasunod sa Konstitusyon.