-- ADVERTISEMENT --
Ginpasalig naman ni Senador Panfilo “Ping” Lacson nga handa ang Senate majority bloc sa posible nga tikang ni Senate President Alan Peter Cayetano angut sa plano nga special session sa senado.
Suno kay Lacson, gina-istoryahan na sang ila grupo ang posible nga mga sabat sa tion nga may yara sang obstruction ukon kinagamo sa nasambit nga sesyon, kag iya ginhatagan pagtamod nga indi dapat pagbalewalaon ang ikasarang sang pila ka mga mamalidha sa pag-impluwensya sa proseso.
Ginbalikan man sini ang nangin eksperyensya niya kay Cayetano sa Kamara sang ginpahalin ini bilang Speaker, nga suno sa iya nagapakita sang iya karakter sa tunga sang mga paghimakas sa liderato.
Ginhatagan pagtamod ni Lacson nga ginakilala sang kadam-an ang liderato ni Senate President Pro Tempore Sherwin Gatchalian, apang may mga tion nga ginaalegar nga nagapakita sang pagpamatuk si Cayetano sa nagaluntad nga liderato kag sa mga desisyon sang kadam-an.
Nagpanawagan si Lacson sa tanan nga mga senador nga magtambong sa special session bilang kabahin sang ila mandato, samtang gindayaw man sini si Senador Joel Villanueva sa pagpakigbahin kag nagalaum nga magasunod man ang iban nga katapo sang minorya.
