Gin-athag ni Senate President Alan Peter Cayetano nga ang ginaduso nga pag-amyenda sa Senate Rules nga pahanugutan ang online participation kag pagboto sang mga senador wala nagahatag sang “blanket authority” kag wala sang kaangtanan sa impeachment rules.
Sa iya Facebook Live, ginpahayag ni Cayetano nga ang katuyuan sang nasambit nga proposal amo ang paghimo sang deliberasyon sa Senado nga mas-exclusive samtang ginamentinar ang patas kag mahipid nga proseso sa paghinun-anon sang mga importante nga isyu.
Suno kay Cayetano, indi dapat pag-iangot sa impeachment proceedings ang ginaduso nga pagbag-o bangud magkatuhay ang scope kag objectives sini.
Dugang pa niya nga ang proposal ang nakatutok lamang sa paghatag sang mekanismo para sa partisipasyon sang mga senador sa tion sang pagkinahanglan.
Samtang, ginkumpirma man sini nga magapadayon sa Hunyo 4 ang Senate Blue Ribbon Committee hearing sa ginaalegar flood control scam.
Ginalauman man nga paga-istoryahan sa nasambit nga hearing ang iban pa nga mga detalye kag isyu may kaangtanan sa paggamit sang pondo para sa flood control projects sa pungsod Pilipinas.
