Nagsabat naman si Senate President Alan Peter Cayetano sa pagpanghangkat ni Sen. Erwin Tulfo
Sa isa ka Facebook post, ginpahayag ni Cayetano nga ang isyu indi lamang ang pagtambong sa session, ginhalimbawa man sini ang isa ka mangunguma nga ginpadala sa talamnan sa tunga sang bagyo ukon isa ka soldado nga ginpadala sa “suicide mission.”
Gin-akusahan man ni Cayetano ang kampo sang mga senador kag mag-utod nga Tulfo, suno sa iya malapit lang sila sa Malacañang.
Ginpanginwala man sang Senate President ang mga alegasyon nga siya ang yara sa likod sang pagpapatay sang aircon kag internet sa Senado nga suno sa iya malayo sa matuod nga isyu.
Samtang ginpasalig man ni Cayetano nga indi maggamit sang anuman nga taktika ang mayorya batok sa mga minority senators kag nagpanindugan nga ipatuman niya ang fair governance sa senado.
Nahibaluan nga nagtaas ang tensyon matapos nga gin-adjourn ang serye sang plenary sessions bangud sa indi pagtambong sang mayoriya nga bloke, nga nagresulta sa pagka-delay sang pila ka mga hagna.
Bangud sini, ginpanawagan sang minority bloc ang pagbiya ni Cayetano, nga nagasambit sang ginaalegar “pagbiya sa responsibilidad” kag paglapas sa mga pagsulundan sang Senado.
