Nagapanawagan si Senate President Alan Peter Cayetano sa iya mga kaupod nga senador sa minority nga magtindog para sa kahilwayan kag soberanya sang Senado sa tunga sang mga isyu nga ginapangatubang sang institusyon.
Suno kay Cayetano, ang senado isa ka patas nga institusyon sang gobyerno kag indi dapat kabigon nga premyo ukon propiedad sang sin-o man.
Ginpanindugan man sini nga dapat mismo ang mga senador ang magadesisyon sa isyu sang liderato sang Senado.
Pahayag pa niya, ang Senado ang may salabton lamang sa Dios kag sa pumuluyong Pilipino, kag indi dapat pagpahilabtan sang sin-o man sa guwa sang institusyon.
Ginhatagan niya pagtamod nga ang kahilwayan sang senado kag ang legal status sang mga senador ang indi dapat mangin substitute ukon gamit sa anuman nga interest bangud ini ang makahalit sa kredibilidad sang institusyon.
Gin-engganyo man sini ang mga senador nga maghugpong sa isa ka lihok nga ipakita ang ila commitment sa kahilwayan sang senado kag accountability sa pumuluyong Pilipino.
