Senate President Pro Tempore Jinggoy Estrada, luyag nga dulaon ang mandatory SHS level sa K-12 program

Ginaduso ni Senate President Pro Tempore Jinggoy Estrada ang pagkakas sang mandatory Senior High School (SHS) level sa K to 12 program.

Ini agud mangin mas maayo kag insakto ang sistema sang basic education sa Pilipinas.

Sa Senate Bill No. 3001, ginbuyagyag ni Estrada ang pag-ako sang mga opisyal sang Department of Education nga wala pa malab-ot sang SHS program ang katuyuan sini para sa mga K to 12 graduates bangud sa madamo nga curriculum, over-worked ang mga manunudlo kag estudyante, manubo ang employment rate sang mga nakatapos sang SHS sa diin 10% lamang ang nagasulod sa labor force, sa diin kadam-an pa ang informal sector.