-- ADVERTISEMENT --
Nagpanawagan si Senator Erwin Tulfo sa iya mga kaupod nga senador nga wala pa nagsaylo sa ila grupo nga magbinuligay kag mag-isa para sa mas daku nga interest sang pungsod.
Suno kay Tulfo, bukas ang ila hanay para sa mga luyag mag-upod kag handa sila nga batonon ang bisan sin-o nga senador nga luyag magbulig sa ila.
Ginpahayag man sini nga dapat unahon ang kaayuhan sang pungsod kag indi ang personal nga interest, partido pulitikal ukon pila ka indibidwal lamang.
Dugang pa sini nga pinaagi sa pagbinuligay kag pag-isa sang mga senador, mas mapadasig ang pagpatuman sang mga programa kag mga polisa nga makabulig sa mga Pilipino kag sa padayon nga pag-uswag sang pungsod Pilipinas.
