Ginpangalanan sang isa sa apat ka bag-o nga nagpakilala nga anay bodyguard ni AKO Bicol Party-list Representative Zaldy Co si Senador Erwin Tulfo nga isa sa mga nagabaton kuno sang maleta nga may unod nga kwarta nga ginhalin sa ginapahayag nga maanomalya nga mga flood control projects.
Sa iya pagpamatuod, ginsiling sang testigo nga nalakip si Tulfo sa mga personalidad nga kuno nagbaton sang kwarta nga ginadala paagi sa mga maleta.
Matandaan nga una na nga ginpangalanan si Tulfo sa nagligad nga hearing may kaangtanan sa alegasyon sang korapsyon sa flood control projects. Apang, gilayon ini nga ginpanginwala sang senador kag ginpahayag nga wala siya sang may ginbaton nga kwarta ukon may kahilabtanan sa ginareklamo nga anomalya.
Samtang, padayon ang imbestigasyon sang komite agud matumod ang kamatuoran sa mga alegasyon kag makilala ang iban pa nga mahimo nga nalakip sa isyu.
