Nagpanawagan si Senator Erwin Tulfo sa iya mga kaupdanan sa senado nga untatan na ang political conflict sa pihak sang mga problema nga ginapangatubang sang pungsod.
Suno kay Tulfo, wala sang ginapili nga color ang kagutom, ang mahal nga pagpabulong kag ang kapigaduhon nga ginasuportahan sang mga kaupod nga senador, gani suno sa iya, dapat unahon ang pulitika kag dapat atubangon ang problema nga tuga sang krisis tuga sang kagutom kag medical needs sang mga Pinoy.
Pahayag pa niya, sa pihak sang nagapadayon nga indi paghangpanay sa pamunuan sang Senado, nagapabilin ang kinahanglanon nga maghugpong agud masabat ang krisis sa pagkaon kag ikaayong lawas.
Ginhatagan man pagtamod sang senador nga indi na ini problema sa political camps bangud tanan nga mga Pilipino, ano man ang ila pagpati ukon suportado nga mga lider ang apektado sa gihapon sang pagtaas sang presyo sang mga balaklon.
Sa katapusan, ginpanindugan ni Tulfo nga tion na nga magbinuligay ang mga senador kag magtutok sa gilayon nga solusyon sa mga mayor nga problema sang pungsod Pilipinas.
