Nagpanawagan si Senator Imee Marcos sa gobyerno nga ipatuman ang direkta nga government-to-government (G2G) oil procurement agud mabuligan ang epekto sang padayon nga pagsaka sang presyo sang langis sa pangkalibutanon nga merkado.
Suno sa senadora, dapat direkta nga magbakal ang gobyerno sang langis halin sa mga pungsod nga supplier kag ibaligya ini sa kontrolado nga presyo agud makabulig sa mga sektor nga apektado sang oil price hike pareho sang mga tsuper, mangunguma kag mangingisda.
Suno pa kay Marcos, nga daw mahinay ang tikang sang administrasyon sa krisis nga ginhalinan sang tensyon sa tunga sang United States kag Iran, nga padayon nga nagapataas sang presyo sang langis sa world market.
Ginpangayuan man niya sang sabat kun ngaa wala nakita sang gobyerno ang kahigayunan nga makigsugot sa Russia sa tion sang may yara pa sang sanctions waiver.
Dugang pa ni marcos nga Kun nahimo ini sang pribado nga kompanya pareho sang Petron Corporation nga makakuha sang milyones ka bariles sang Russian crude, ngaa indi ini mahimo sang gobyerno.
