ROXAS CITY- Patay ang isa ka Senior Citizen matapos nga aksidente ng nabunggoan samtang nagalakat sa higad sang Dalan kagab-i sa Barangay Tugas Mambusao Capiz.
Ginkilala ang biktima nga si alyas isko, 61-anyos, residente sang Barangay Tugas sang amu nga banwa, samtang ang driver suspect ang ginkilala kay alyas Al, 43-anyos kag residente sang Barangay Jaina Norte Jamindan Capiz.
Sa nakuha nga impormasyon sang Bombo Radyo nagikan sa Mambusao Municipal Police Station, samtang nagalakat sa higad sang dalan ang biktima papauli na kuntani sa ila balay, sang aksidente ini nga nabunggoan sang Toyota Hilux nga salakyan nga ginamaneho sang ni alyas Al nga padulong man ini sa syudad sang Iloilo.
Dugang pa nga nadulaan sang control ang driver sa iya pagmaneho kag ginapahayag kulang ini sa tulog.
Suno pa sa impormasyon wala naka-inom ang driver sang amo nga salakyan.
Gilayon naman nga ginpadangat sa Mambusao district hospital ang biktima para kuntani sa nagakaigo nga pagbulong, apang gindeklarar ini nga Dead on Arrival sang Doctor nga nag atendir.
Samtang, bulontaryo naman nga nagsungka sa mga kapulisan ang driver suspect, kag sa karon yara na ini sa kustodiya sang Mambusao Municipal Police Station para sa nagakaigo nga disposisyon
