-- ADVERTISEMENT --
Roxas City – Pilason ang isa ka senior citizen matapos natumba sa ginamaneho sini nga motorsiklo sa Barangay 11, Roxas City.
Ginkilala ang biktima kay Dante De Asis, 77 anyos sang Philippine Railway Street, Barangay 9, sining siyudad.
Base sa imbestigasyon sang Roxas City PNP nga samtang ginamaneho sang biktima ang iya motorsiklo (Suzuki Smash) hinali na lamang ini nadulaan sang kontrol sa pagmaneho rason nga tumampilak ini sa dalan.
Bangud diri nag-angkon sang pilas sa magkatuhay nga lawas ang biktima.
Madasig naman nga gindala sa ospital ang biktima agud dapatan sang nagakaigo nga pagbulong.
-- ADVERTISEMENT --
