-- ADVERTISEMENT --
ROXAS CITY – Pilason ang pito ka tawo matapos aksidente nga nabungguan sang service vehicle sang Department of Education Capiz Division ang isa ka tricycle sa Pueblo de Panay, Barangay Lawaan, Roxas City.
Base sa imbestigasyon sang Roxas City PNP ginasubay sang trycicle ang karsada padulong sa terminal sang aksidente nga nabungguan sang service vehicle sang DepEd ang side wheel sini rason nga nadulaan sang kontrol ang driver sang trycicle nga si Sammy Maycong 29-anyos sang Barangay Bolo, Roxas City.
Nag-angkon sang pilas sa lawas ang mga pasahero kalakip na ang driver sang tricycle.
Samtang, nagpromesa naman ang driver sang service vehicle sang DepEd nga si Francis Embucado nga sabton ang tanan nga kagastuhanon sa mga pasahero.
