Shooting incident San Jose National High School sa Tacloban City, dapat mangin “wake-up call” para sa gobyerno-VP Sara Duterte

Gin-anunsyo ni Vice President Sara Duterte nga dapat mangin “wake-up call” para sa gobyerno ang pagpangluthang sa isa ka eskwelahan sa Tacloban City.

Suno sa iya pahayag sang Martes, Hunyo 23, ginpunto sang Bise Presidente nga ang insidente nagapakita sang kakulangon sang gobyerno sa pagprotekta sa mga kabataan.

Ginpanumdum man sini nga indi ini ang una nga insidente nga may estudyante nga napilasan ukon napatay sa eskwelahan ukon palibot sini.

Ginhingalad man niya ang kamatayon sang duha ka estudyante nga atleta sang Ateneo nga sanday Rene Baterbonia kag Divine Adili nga nalunod sa Dipaculao, Aurora.

Gani, nagpanawagan ini sa gobyerno nga pagadasigon ang pag-kaayo sang sistema para mas maprotektahan ang mga kabataan.