ROXAS CITY – Ginkumpirmar sang Archdiocese of Capiz nga nagapabilin ang simbahang katolika nga apolitical ukon neutral sa paalabuton nga eleksyon, Mayo 9, 2022.
Sa interview sang Bombo Radyo kay Father Jose Emilio Arbatin, tagpamaba sang Archdiocese of Capiz suno diri, wala sang may gina-endorso nga bisan sin-o nga kandidato ang simbahan apang panugyan sini nga buhaton ang kinamatarong sa pagpili sa kandidato nga igabutang sa pwesto.
Nagapangabay man ini nga mangin malimpyo, mahidaeton kag maayo nga eleksyon indi lang sa probinsya sang Capiz kundi sa bug os nga pungsod Pilipinas.
Ginsiling sini nga tamdon ang konsensya bangud ini ang tingug sang Makaako nga nagatudlo sa pagbuhat sang tama kag malikawan ang sala.
Apisar, makit-an nga mga myembro sang simbahan nga may yara sang laragway kaupod ang mga napilian nga kandidato, personal ini nga pagbuot sang isa ka indibidwal kag indi opisyal nga stand sang simbahan.
