Singer nga si TJ Monterde, ginregaluhan ang iya asawa nga si KZ Tandingan sang lote para sa ila dream home

Ginpakigbahin ni TJ Monterde nga ginregaluhan niya ang iya asawa nga si KZ Tandingan sang lote nga ila patindugan sang ila dream home.

Suno kay TJ, madamo siya sang kabudlayan nga naagyan sa sulod sang tatlo ka tuig, lakip na ang pagduha-duha sa padulungan sang iya singing career.

Apang, nagapasalamat ini sa Dios bangud suno sa iya, wala siya ginpabay-an kag padayon nga ginahatagan sang mga butang nga iya ginapangayo.

Para kay TJ, ang lote isa ka pagpakamaayo nga luyag niya ipakita kay KZ bilang pamatuod nga ang Dios nagahatag sa husto nga tion.

Nagalaum si TJ nga ang lote magaserbe nga umpisa sang madamo pa nga mga handum nga ila ginapaambit bilang mag-asawa.