Ginbawi sang Philippine Contractors Accreditation Board (PCAB) ang lisensya sang siyam ka kompaniya nga ginapanag-iyahan sang flood control projects contractor nga si Sara Discaya.
Nagalakip ini sang mga masunod: St. Matthew General Contractor & Development Corporation; Great Pacific Builders and General Contractors, Inc.; YPR General Contractor And Construction Supply, Inc.; Waymaker OPC; Elite General Contractor And Development Corp. ; St. Gerrard Construction Gen. Contractor & Dev’t Corporation; Alpha & Omega Gen. Contractor & Dev’t Corporation; St. Timothy Construction Corporation kag Amethyst Horizon Builders And Gen. Contractor & Dev’t Corp.
Sa isa ka resolusyon nga ginpagwa sang PCAB, ginpahayag nga ang pagpadayon sang accreditation sang nasambit nga mga kumpaniya ang makahalit sa interes sang publiko, integridad sang industriya, kag transparency sa government procurement.
Ang pag-ako ni Discaya sa hearing sang Senado nga iya ginapanag-iyahan ang siyam ka kumpaniya nga nagpartisipar sa bidding para sa mga proyekto sang gobyerno nagaimpluwensya sa resulta sang public bidding, nagamaniobra sang resulta kag nagabalabag sa mga publiko nga proyekto.
