-- ADVERTISEMENT --
Suportado sang Sangguniang Kabataan (SK) Chairman sa Barangay Sibaguan, Roxas City, ang hagna nga ipaiway anay ang Barangay kag Sangguniang Kabataan Elections (BSKE) sa Nobyembre 2026.
Sa interview sang Bombo Radyo kay Jayv Astorias, SK Chairman sang nasambit nga barangay, iya ginpahayag nga pabor ini agud mapadayon ang ila mga proyekto sa komunidad.
Suno kay Astorias, bangod man sa ginapatubang nga krisis, nagakadapat lang nga ipaiway ang eleksyon.
Dugang pa sini, maayo man ang amo nga tikang para sa pagtipid sang pondo, apang ginpahayag niya nga suportado man niya ang eleksyon kun ini para sa mas maayo nga pagdumala sa barangay.
