Arestado ang ginakabig nga Street level individual ukon SLI matapos nga gin-implementar sang search warrant sa Barangay Balucuan Dao Capiz.
Ginkilala ang nadakpan kay alyas Roque 39-anyos kag residente sang amu nga lugar.
Nakuha sa paghinakop ni Roque ang 301 ka mga nagamit na nga aluminum foil, 251 ka empty sachets nga ginapatihan shabu, 4 ka lighter nga may aluminum extinction, 7 ka mga nagamit nga lighter, 1 ka improvised tuter pipe, 12 ka mga magagmay nga empty sachets, 6 ka sachets sang ginapatihan shabu nga nakasulod sa isa ka itom nga pouch kag may kabug-aton nga 6 ka gramo nga may market value sang kapin P40,800.
Ang search warrant ang ginpermahan kag ginpapanaog ni Presiding Judge Hon. Esperanza Isabel Poco-Deslate, Executive Judge, RTC, Hall of Justice Roxas, City napetsahan sadtong Hulyo 16, 2024.
Nagapangatubang sa kaso nga paglapas sa R.A 9165 ukon Comprehensive Dangerous Drugs Act of 2002 si Roque.
Sa karon, yara na ini sa paghinakop sang Dao Municipal Police Station para sa nagakaigo nga disposisyon.
