ROXAS CITY -Ginpabugal sang 68-anyos nga senior citizen ang pagbalik sini sang 6 mil ka pesos nga social ameliotion program sa Barangay Bato Roxas City.
Ginpahayag ni Maria Lucita Billano nga ginkakibot sini sang ginpatawag sang mga barangay officials agud makabaton sang social amelioration program.
Apang sang nabaton na sini ang kantidad, nadumaduman ni Billano nga indi ini kwalipikado sang ayuda bangud madugay na nga nagabaton sang P3,500 kada bulan bangid kalakip ini sa mga Social Security System ukon SSS pensioners nga indi kwalipikado nga makabaton sang nasambit nga ayuda sandig sa pagsulundan sang DSWD.
Ginpanindugan man ni Billano nga wala sini madumduman nga isugid sa mga taga DSWD nga nagvalidate sa iya nga pensioner ini sang Social Security System ukon SSS.
Gindugang pa ni Billano nga indi man maayo ang kahimtangan sang ila panganbuhi apang mas ginpakamaayo sini nga ibalik para magahatag sa mas nagakahilanglan sa ila barangay.
