Ginpaguha na sang South Korean police, ang rason sang gulpi nga pagkamatay sang South Korean actress nga si Kim Sae Ron sa edad nga 24-anyos.
Base sa pahayag nagikan sa Korean media outlets, ginkumpirmar sang isa ka police official sa media pinaagi sa isa ka briefing sa National office of Investigation kung sa diin nagapati sila nga naghimo sang extreme choice ang aktres kag nagresulta sa pag-utas sang iya kabuhi.
Suno sa mga otoridad, wala sang ginbilin nga note ang aktres sa iya puluy-an kung sa diin ini nasapwan nga wala sang kabuhi sadtong Pebrero 16 kag wala man sang anuman nga senyalis bilang foul play.
Mahibaluan nga ang nagtaliwan nga aktres ang kilala bilang isa ka sikat nga child star bangud sa mga nagtatak kag ginbidahan ang roles ukon karakter sa Korean films kag pila ka mga korean drama series.
Apang hinali lamang nga nag-untat ang karera sang aktres sa pag-acting matapos ang kontrobersiyal nga ginakaulamiran matapos nga
ma-convict bangud sa driving under influence of alcohol sadtong 2022 kag may penalidad nga 20 million korean won (KRW) kung sa diin nakakuha sang pagbatikos nagikan Korean netizen.
Apang base sa acquaintance sang aktres tuman ang ila kakibot sa pagtaliwan sang aktres kung sa diin natalana pa kuntani ini nga mag-come back sa pag-arte nga may bag-o nga pangalan kag pelikula.
Mahibaluan nga sang damlag lang ginbag-o sang aktres ang iya pangalan bilang Kim Ah-im kag natapos sini ang filming sang bag-o movie nga “Guitar Man” sadtong Nobyembre kung sa diin yara sa post-production ang nasambita nga film.
