Gindipensahan ni South Korean President Yoon Suk Yeol ang iya martial law decree sa katapusan nga pag-atubang sa publiko.
Pinaagi sa isa ka televised speech, ginsiling ni Yoon nga indi niya intensiyon nga gamuhon ang constitutional order matapos ideklarar sini ang martial law sadtong Disyembre 3 kag magpadala sang ginatos nga tropa sa National Assembly.
Nahimo niya ini suno diri agud isalbar ang ila pungsod nagikan sa ginatawag nga “anti-state” opposition parties.
Suno diri, gingamit sang oposisyon ang ila mayorya sa Assembly agud iparalisa ang ila pungsod.
Ginsiling man ni Yoon nga kabahin sang iya constitutional powers bilang Pangulo ang iya nangin aksiyon kag wala ini nagapakita sang insurrection kaangay sang ginahaboy sa iya sang oposisyon.
Bangud sini, nagpanindugan si Yoon nga magabato na lamang ini tubtob sa katapusan.
Samtang, antes ang pinakabag-o nga speech ni Yoon, nagpahayag na sang suporta ang ruling party nga People Power nga partido man ni Yoon para sa iya impeachment.
Matandaan una na nga ginganyat sang partido si Yoon nga magbiya na lamang sa pwesto sa Pebrero ukon Marso bangud ini suno diri ang pinakamadasig nga pamaagi agud mauntat na ang political turmoil sa ila pungsod kung sa diin mas ginapalala pa sang masadig nga deklarasyon sang martial law.
Dugang diri nga sa inisyal nga ginbalibaran sang ruling party nga suportahan ang impeachment kay Yoon sadtong Sabado kag ginboycott sa paglaum nga magabiya ang Presidente sa iya pwesto.
Apang ginpahayag sang liderato sang ruling party nga wala sang progreso sa pagtinguha nila nga kumbinsihon si Yoon.
Sa panig naman ni Pres. Yoon, nagpanindugan siya nga magapabilin ini sa iya pwesto kag pananglitan nga ma-impeach, ipakigbato niya ini sa Consitutional Court.
