Solterito, patay matapos nga nasagi sang truck

MANDAUE, CEBU- Patay ang isa ka solterito matapos ini nga nagdasok sa kilid sang isa ka manug-liko nga truck kag nasagi sa Mandaue, Cebu.

Sa dash cam video nga ginpakigbahin sang mga otoridad, makit-an ang paglakat sang solterito sa higad sang karsada sa Barangay Tingub.

Pila ka minuto lamang, hinali nga nagdalagan kag nagdasok sa kilid sang manug-liko nga truck ang solterito.

Hinali man nga nag-urong ang amo nga truck. Nasagi na gali sini ang biktima.

Ginpakigbahin sang kapitan sang barangay nga ginbawian sang kabuhi ang biktima nga isa ka Grade 9 student.

Paathag naman sang truck driver, nga yara sa subong sa kustodiya sang kapulisan, wala niya nakita ang biktima.