Gindeklarar sang Philippine National Police (PNP) nga “generally peaceful” ang ika-lima nga State of the Nation Address (SONA) ni Presidente Ferdinand Marcos Jr.
Suno sa report, ginsigurado sang PNP ang seguridad indi lang ang mga opisyales kag bisita sa sulod sang plenary hall sang House of Representatives kundi lakip man ang mga indibidwal kag grupo nga nagtipon sa gwa sang Batasang Pambansa Complex sa Quezon City agud magpabutyag sang ila sentimyento.
Tatlo ka multi-sectoral nga grupo ang ginhatagan sang permit sang lokal nga gobyerno sang Quezon City agud maghiwat sang rally sa Commonwealth Avenue: Bagong Alyansang Makabayan (BAYAN), Sanlakas, kag Better Brighter.
Magluwas sa tatlo, may iban pa nga grupo nga nagsumiter sang aplikasyon para sa mga rally, apang ang ila mga permit nagapabilin nga pending antes ang adlaw sang SONA.
Ang PNP nagdeploy sang masobra 20,000 ka mga pulis agud mamentinar ang kalinong lakip na ang pagdumala sang trapiko.
