-- ADVERTISEMENT --
ROXAS CITY – Arestado ang sound system operator kag newly identified drug personality sa drug buy bust operation sa Poblacion Ilawod, Pontevedra, Capiz.
Ginkilala ang arestado kay Raysan Biclar 23-anyos sang nasambit nga lugar.
Nadakpan sang mga katapu sang Pontevedra PNP ang suspek nga nagaduso sang droga sa lugar, sa diin narekober sa drug suspek ang anum ka sachet sang shabu, P500 nga buybust money kag isa ka unit sang cellphone.
Nakabilanggo na karon sa lock up cell sang Pontevedra PNP ang arestado kag natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
