Ginaduso ni Senate President Vicente Sotto III nga dulaon na ang Oil Deregulation Law, agud mabalik sa gobyerno sang Pilipinas ang gahum nga magbutang kag mag-regulate sang presyo sang mga produktong petrolyo.
Gin-file ni Sotto ang Senate Bill No. 1984 sa tunga sang padayon nga pagtaas sang presyo sang gatong tuga sang tension sa Middle East.
“It is high time to give back to the state the authority to manage fuel prices. Now that our petroleum prices are directly impacted by the geopolitical tension in the Middle East, transparency, scrutiny and uniformity in pricing are needed more than ever,” nasaad sa explanatory note sang hagna.
Sa idalom sang Republic Act 8479, nga kilala bilang Downstream Oil Industry Deregulation Act of 1998, ginakakas ang control sang gobyerno sa pagbutang sang presyo sa mga produkto petrolyo sa katuyuan nga may yara sang kompetisyon ang mga oil company, kag ginlauman nga magpanubo sa presyo sang ila mga produkto.
Apang antes ini nangin layi, ginpahayag ni Sotto nga ang Energy Regulatory Board ang nagabutang sang presyo sang gatong sandig sa wold market kag resulta sa baylo sang balor sang kwarta.
