Gindayaw ni Speaker Ferdinand Martin G. Romualdez ang Bureau of Customs (BOC) sa ginpasanyog sini nga kampanya batuk sa smuggling nga nagresulta sa pagkadakop sang ₱85.1 bilyon nga balor sang kontrabando kag ang madinalag-on nga pagpatigayon sang masobra 2,100 anti-smuggling operations sadtong 2024.
Sa pagkilala sang importante nga mga hinimuan sang BOC, ginsulit ni Speaker Romualdez ang dinalian nga kinahanglanon nga pabakuron ang pagpatuman sang layi batuk sa agricultural smuggling, nga padayon nga nagapamahog sa mga lokal nga mangunguma kag seguridad sa pagkaon.
Suno kay Speaker Romualdez, maayo ang ginahimo sang Customs sa pagpakigbato sa kontrabando, apang indi ini dapat mag-untat kag dapat pabaskugon pa ang kampanya batuk sa agricultural smuggling nga nagaguba sa palangabuhian sang mga mangunguma kag nagahatag problema sa mga pumuluyo.
