Nagpanugyan ang SSS sa mga employer ukon ang mga empleyado nga wala nagatuntol sa pagbayad sang ila kontribusyon.
Sa interview sang Bombo Radyo kay Rene Gonzales, head sang SSS Capiz ginpahayag sini nga sa ila mga target number kag monthly payment sang mga miyembro ang wala nila nakuha bangud madamu sa mga ini ang wala nagabayad.
Pahayag pa sini nga sa syudad sang Roxas may yara sang dugang nga delinquent employer nga na-isyuhan sang Social Security System (SSS) sang ‘notice of violation’ paagi sa RACE ukon Run After Contributions Evaders operation sang ahensiya.
Suno pa nga base sa datos sadtong bulan sang Mayo may yara lamang sang kapin 33,000 ka mga active member ang nagabayad.
Samtang, ginapahayag ni Gonzales nga nagapatigayon sang pagtsekyar kag padayon nga kampanya sang hubon sang Run After Contribution Evader (RACE) team sang Social Security System (SSS) sa mga establisiyemento sa syudad sang Roxas, agud magpahanumdom sa mga employer nga dapat bayaran sang mga ini ang benepisyo sang ila mga empleyado.
