ROXAS CITY — Nagapatigayon na sang mga simulation activities ang pila ka mga istasyon sang pulisya sa rehiyon agud mahandaan ang posibilidad sang pagsalakay diri sang mga rebelde nga New People’s Army.
Suno kay PCSUPT Jose Gentiles, hepe sang Police Regional Office 6, matapos nga ginbawi ang deklarasyon sang unilateral ceasefire kag naglunsiyar sang all out war ang militar batuk sa NPA, ginabantayan na sang pulisya ang mga posibilidad nga magsabwag sang kalakasan ang mga rebelde.
Nagdihon naman suno sa iya sang station defense plan ang mga istasyon sang pulisya sa mga lugar nga tradisyonal nga may yara sang presensiya sang mga rebelde.
Ginpanugyanan man ni Gentiles ang mga hepe kag mga katapo sang pulisya nga magpabilin nga aligmat agud mapangapinan ang ila mga kaugalingon sa sini nga mga pag-atake.
