Gintib-ong ni NBA superstar Stephen Curry ang Golden State Warriors (GSW) para ibulsa ang kadalag-an batuk sa Minnesota Timberwolves, dala ang isa ka puntos nga abanse sa score nga 116 – 115.
Nagkamada si Curry sang 31 points kag walo ka assists sa kadalag-an sang GSW samtang 24 points naman ang amot sang forward nga si Andrew Wiggins.
Wala sa gihapon nakahampang si Draymond Green sa nangin play sang Warriors apang ginbulos sa iya ang sophomore nga si Trayce Jackson-Davis bilang sentro.
Nagkamada si Davis sang 15 rebounds, kag duwa nga blocks, rason agud pangunahan ang depensa sang GSW.
Wala naman nagsalir ang tig-28 points nga ginpasulod sang duwa ka guard sang Minnesota nga sanday Anthony Edwards kag Donte DiVicenzo.
Napunggan sang Warriors ang comeback attempt sang Wolves sa 2nd half sang hampang kasunod man sang 13-point lead nga uyat sang GSW sa pagtakop sang 1st half.
Ginpiit sang Wolves nga lagson ang GSW sa ikatatlo kag ulihi nga quarter sang hampang gamit ang offensive explosion nanday Edwards kag Donte. Subong man, napunggan sang GSW ang last-second shot attempt sang Wolves kag ginbulsa ang 1-pt win batuk sa kontra.
