ROXAS CITY -Totally burned ang stockroom sang isa ka eskwelahan sa banwa sang Dao matapos gintupok ini sang kalayo kagab-i.
Ginpahayag sang municipal fire marshall sang Dao fire station SFO3 Rodelin Bermejo, nagpangayo sa ila sang assistance si Ramil Labasan matapos nakita nga nagadaba daba na ang kalayo sa stockroom nga yara sa compound sang Dao Central School.
Sa inisyal nga imbestigasyon sang talatapan nagaguwa nga posible ang nabilin pa nga baga sa pagdap-ong ni Labasan kahapon ang ginhalinan sang kalayo, sa diin nagmakot ini sa mga kahoy kag sim nga yara sa sulod sang stockroom.
Kalakip sa nasunog ang pila ka mga daan nga kagamitan sang eskwelahan kasubong sang tv kag refrigerator
Padayon ang imbestigasyon sang arson investigator agud matumod ang kabug-usan nga kahalitan nga natuga sang nasambit nga sunog.
