ROXAS CITY – Natuntuhan ang pila ka mga manugbaligya sang street food sa Peoples Park, Brgy. Baybay, Roxas City.
Sa interview sang Bombo Radyo kay nanay Maricel, isa ka street food vendor sa Peoples Park, nga natuntuhan ang pila sini ka kaupdanan nga manugbaligya sa nasambit nga lugar.
Suno diri nga sang nagligad nga bulan may nagkadto sa ila kag ginpangkuhaan sang tig-P200 ang mga vendors bangud pautangon sang kapital apang sang nakuha ang mga kwarta wala na ang mga ini makabalik pa.
Dugang pa sini nga madamo sang mga kaupod niya ang naghatag sang nasambit nga kantidad.
Ginkumpirmar man ni tatay Fiel, isa ka enforcer nga naka-assign sa nasambit nga lugar nga may mga babaye nga nangulekta sang P200 sa mga vendors kabaylo sang pautang nga P15,000 apang wala na ang mga ini nagbalik pagkakuha sang mga kwarta sang mga vendors.
