ROXAS CITY – Ipaidalum sa stress debriefing ang lima ka tuig nga anak sang lalaki nga ginpatay ang hinipo nga anak antes nagpanginmatay sa sulod sang ila balay sa Barangay San Jose, Roxas City.
Sa interview sang Bombo Radyo Roxas kay Punong barangay Jericho Celino, ginpahayag sini nga na-trauma ang nabilin nga menor de edad nga ginaalegar isa ka special child matapos nasaksihan ang ginhimo sang amay sa manghod nga nagakatulog antes maghikog sa kusina.
Suno kay Celino nga indi madali ang ginaagyan sa karon sang bata sa diin wala untat ang iya nga pag-hibi.
Ginaalegar nga ginpahayag sang bata nga gin-uyatan ang iya tiil sang amay apang indi na ini mapamangkot sa iban nga detalye bangud wala ini untat sa paghibi.
Samtang wala sang malain nga record sa barangay si Jaypee Capapas kag wala ini nagaguwa sa ila balay, rason nga indi tuman nga naitsurahan sang mga pumuluyo sa amo nga lugar si Jaypee Capapas.
