Magapangatubang sang kaso nga paglapas sa Republic Act 10591 ukon Comprehensive Firearms and Ammunition Regulation Act kag Republic Act 9165 o Dangerous Drugs Act of 2002 ang ginakabig high-value individual (HVI) kasunod sang ginpatigayon nga drug buy-bust operation sang kapulisan sa Roxas City, Capiz.
Ang subject person amo si alyas Judy, residente sang Barangay Punta Tabuc, Roxas City.
Sa interview sang Bombo Radyo kay Police Chief Master Sergeant Ramil Arcangeles, spokesperson sang Roxas Component City Police Station, iya ginpahayag nga nakuha sa paghinakop sang arestado ang ginabanta 50 grams sang ginapatihan shabu nga may balor nga ₱340,000.
Suno kay Arcangeles, na-recover man sa subject person ang isa ka homemade .38 caliber revolver nga wala sang serial number.
Dugang pa ni Arcangeles, padayon nga patutukan sang kapulisan ang kampanya kontra illegal nga droga.
