Kun para sa imo, igahatag gid ina para sa imo maskin ano pa man ang imo nga estado sa kabuhi.
Ka-Bombo, nagapati ka bala sa mga tinaga nga ‘rejection is redirection’?
Bangud isa ka Pinay ang na-eleher bilang alkalde sang San Antonio, Texas sa Estados Unidos matapos ini nga mapaslawan nga makasulod sa kongreso sang duha ka beses.
Ini amo si Gina Maria Ortiz Jones, ang pinakauna nga Filipina American, nga lesbiyana, una nga combat veteran, kag una nga babaye nga indi sang puti nga nagpungko sa puwesto sang Hunyo 2025.
Ginbun-ag sang Pebrero 1, 1981, sa Arlington, Virginia, kag nagdako sa San Antonio si Gina sa isa ka lugar nga pigado, kag ginpadako sang Iloy nga isa ka Ilokana nagikan sa Pangasinan.
Bilang isa ka bata, naka-eksperyensya ini sang mga pagtilaw, apang nagpadayon sa iya nga edukasyon kag nangin kabahin sang U.S. Air Force. Nagserbe ini sa Iraq kag iban pa nga mga misyon antes gin-umpisahan ang karera sa politika. Sang 2021, gin-appoint ini ni Presidente Joe Biden bilang Under Secretary sang U.S. Air Force, ang una nga babaye nga hindi puti kag lantad nga lesbiyana.
Apisar napaslawan sa duha ka beses nga pagtesting nga makasulod sa kongreso, nangin madinalag-on si Gina sa mayoral race sang San Antonio sang 2025, sa diin ginlutos sini ang 27 ka iban pa nga mga kandidato. Sa iya nga kampanya, ginhatagan sini pagtamod ang pagpasangkad sang edukasyon, pabahay, kag pagpakigbato sa kapigaduhon.
Ang iya nga istorya ay isa ka inspirasyon sa mga Filipino Americans kag mga komunidad nga patuloy nga nagapakigbato para sa inklusibo kag makatarungan nga sosyudad.
