Ginsiguro sang Department of Agriculture (DA) nga bastante ang suplay sang pagkaon para sa Christmas season sa pihak sang mga epekto sang asud-asud nga bagyo kag African swine fever (ASF).
Ang pagsiguro nga ginhimo sang ahensya matapos nga ginpahayag sang Disaster Risk Reduction and Management (DRRM) Operations Center nga may 317,316 metric tons (MT) volume of production loss nga nagabalor sang P6.83 billion sa agri-fishery sector bangud sa pagpanglaslas sang Severe Tropical Storm Kristine kag Typhoon Leon.
Suno kay DA Assistant Secretary Arnel De Mesa, ginmpahayag sini nga ang bastante sang suplay ang ginalauman sa tanan nga
agricultural commodities nga may minimal price spikes kag ginalauman sa tunga-tunga sang demand sa Christmas season.
Matandaan una na nga ginsiling sang DA ang pag-abot sang 3.7 million MT nga imported nga bugas, kag ginalauman nga magapuno sa gap sa local production, kung sa diin ang palay production loss yara sa 800,000 MT, lapaw sa 500,000 MT tubtob 600,000 MT annual average palay output loss.
Para sa fish production, nga nag-angkon sang 1,780 MT volume production loss nga nagabalor sang P665.01 million matapos ang pagpanglaslas sang ‘Kristine’ kag ’Leon’.
Dugang pa sini nga ang 30,000 MT nga imported nga isda nagikan sa China kag Vietnam kung sa diin nagsugod na nga mag-abot matapos ginsuguran ang annual closed fishing season.
Bangud sini, nagapabilin nga bastante ang suplay sang utanon kung sa diin ginalauman nga makabawi ang lowland vegetables sa sulod sang pila ka semana.
Samtang, ginsiling naman sang DA-DRRM nga indi magnubo sa 37,233 MT nga volume loss sa high-value crops, nga nagabalor sang P880.15 million bangud sa mga epekto nanday ‘Kristine’ kag ‘Leon’.
May yara naman sang bastante nga suplay sang native hogs para sa lechon, para sa Paskwa sa pihak sang mga epekto sang ASF.
Matandaan nga sadtong Agosto, may 450.36 million kg. nga imported pork ang nag-abot na sa pungsod sumugod Enero, suno sa DA-Bureau of Animal Industry (BAI).
