Bastante ang supply sang karne sang baboy sa probinsya sang Capiz para sa nagahilapit nga Paskwa kag Bag-ong tuig.
Sa interview sang Bombo Radyo kay Dr.Lloyd Burata, Veterinary V sang Capiz Provincial Veterinary Office, iya ginpahayag nga apisar gamay ang supply sang baboy diri sa probinsya bangud may pamahog pa sang African Swine Fever (ASF), may yara sang iban nga mga lugar ang naga-supply sa mga merkado kaangay sang Antique, Negros kag Bohol.
Suno kay Dr. Burata, nagapakig-angot man ang ila talatapan sa syudad kag mga banwa sa probinsya agud nga magbuligay sa pag-tsekyar sang mga karne nga nagasulod sa tagsa nila nga nasakupan.
Pahayag pa niya,ginalauman na ang paghulag sa presyo sang karne sang baboy bangud sa mataas nga demand subong nga nagahilapit ang holiday season.
Nagpanawagan man ang natungdan sa publiko nga mangin aligmat kag mabusisi sa pagpili sang karne kag magbakal lang sa lehitimo nga mga balaklan agud masiguro ang kalidad.
