Nangin normal ang supply sang tubig sa probinsya sang Capiz apisar sa pamahog sang Bagyo Tino.
Sa interview sang Bombo Radyo kay Mark Vincent Bernas, information officer sang Metro Roxas Water District, iya ginpahayag nga wala sang natabo nga low pressure kag reducing of pumping samtang napaidalum ang probinsya sa storm signal.
Suno kay Bernas, nakapreparar ang ila nga talatapan bangud nagpatigayon sila pagpanglimpyo sang Nobyembre 1 kag 2.
Pahayag pa niya, may nakahanda man nga generator set sa tion nga indi mangin estable ang supply kuryente agud nga paandaron ang ila mga makina.
Ginbuksan man ang ila nga talatapan para sa mga empleyado nga luyag mag-evacuate.
Dugang pa sang natungdan, bangud wala sang opisina sang nagligad nga mga inadlaw, magapatigayon sila sang penalty holiday kun sa diin wala sang igadugang nga penalty sa magabayad sang bill sa tubig aspisar due date na.
Interviewed by: Bombo Francis Biñas via Zona Libre
