ROXAS CITY – Ginkumpirma sang isa ka supporter kag creditor ni Patroceño Don Chiyuto nga preparado na ang cover letter sang ila ginaduso nga manifesto nga ipalab-ot sa Securities and Exchange Commission (SEC) agud mabawi ang cease and desist order (CDO) nga ginserbe sang damlag lang sa talatapan sang Chiyuto Creative Wealth Document Facilitation Services (CCWDFS) sa Barangay Cagay, sining syudad.
Ginpahayag ni anay City Fire Marshall Pancho de la Cruz, kinahanglan ini nga manifesto sa ginakabig sini extra ordinary situation sa probinsiya sang Capiz sa diin tanan halos ang nabatyagan ang kakapoy sa paghulat.
Suno diri nga indi lipod sa tanan ang mga nabulig sang CEO sang CCWDFS sa mga pumuluyo agud mahatagan sini tanan sang masulhay nga pangabuhi.
Apang ginklaro ni de la Cruz nga separado ang ila ginaduso nga manifesto sa ginaprokutar nga tikang sang legal team ni Chiyuto agud ma-comply ang pila ka mga rekisitos nga kinahanglanon sang talatapan para makapadayon sang ila operasyon.
Kumpyansa ini nga madamo sila nga mga supporters kag creditors nga maga-upod sini nga tikang bangud ila nakita ang maayo nga vision ni Chiyuto para sa mga Capizeño.
