Ginapasabat sang Supreme Court (SC), ang Senado sa mandamus petition nga ginfile sang grupo ni anay Presidential Commission on Good Government special government counsel, Catalino Generillo Jr.
Mahibaluan nga ginfile ang nasambit nga petisyon agud hinyuon sa Korte Suprema nga manduan ang Senado nga gilayon suguran ang trial bangud wala ginatugutan sang konstitusyon nga idelay ini apisar nga naka-break ang Mataas nga Panalgan.
Sa nangin mandato sang korte, ginmanduan sini ang Senado nga magsumite sang komento sa sulod sang 10 diyas nga wala sang extension.
Suno kay SC spokesperson Camille Sue Mae Ting, na-raffle ang nasambit nga petisyon kag gilayon man ini nga nalakip sa agenda sang Korte Suprema.
Matandaan una na nga nagpanindigan si Senate President Francis Escudero nga wala sang matabo nga impeachment trial samtang naka-break ang Senado, butang nga ginkwestyon sang iban nga
mga legal luminaries kag mga kongresista.
