ROXAS CITY, CAPIZ- Gin-ako sang suspek sa pagkuga-patay sa masahista ang natabo nga krimen sa isa ka lodging-house sa Roxas City, Capiz.
Ang suspek amo si alyas “Jericho”, 23-anyos, construction worker samtang ang biktima wala na ginhingadlan nga nagapang-edaron sang 18 kag lunsay residente sang Barangay Bangon-bangon, Sigma Capiz.
Sa interview sang Bombo Radyo kay Police Lieutenant Colonel Ricardo Jomuad Jr., Hepe sang Roxas Component City Police Station, iya ginpahayag nga boluntaryo nga nagsungka ang suspek sa katapo sang Aviation Security Group sang Roxas City Airport.
Suno kay Jomuad, nagapabilin sa subong nga naka-hospital arrest sa Roxas Memorial Provincial Hospital (RMPH) ang suspek matapos ginapahayag naglain man ang pamatyag bangud nga nag-commit man ini nga mag-utas sang iya nga kabuhi matapos nga nakumiter ang krimen.
Nahibaluan nga sa imbestigasyon nga ginpatigayon sang mga kapulisan, nagwa nga anay magkahagugma ang duha. Apang wala maluyagan sang suspek ang pagbiya sini sa iya sang biktima rason nga nag-book ini nga magpamasahe sa iya nga ex agud nga himuon ang nasambit nga krimen.
Narekober man sa ginluntaran sang krimen ang isa ka plastic bottle nga may sulod nga tubig nga may halo nga black powder nga gintumod bilang “Racumin” ukon hilo para sa ilaga nga ginadudahan ginpilit painom sa biktima.
Sa subong, ginahulat na lamang sang kapulisan ang resulta sang autopsy sang bangkay sang biktima.
Reported by Bombo Francis Biñas
