Tag-iya sang Jewelry Shop nga ginkawatan sa Roxas Avenue, may ginalantaw na nga suspek

ROXAS CITY – Indi sa gihapon makapati ang tag-iya sang Jewelry Shop nga ginkawatan ang iya puwesto sa Roxas Avenue, Roxas City.

Sa pagpakig-angut sang Bombo Radyo News Team sa tag-iya nga si tatay Melchor, ginpahayag sini nga first time nga natabo nga ginkawatan ang iya shop sa sulod sang 30 ka tuig nga pagpuwesto sa amu nga lugar.

Suno kay tatay Melchor, nataban sang kawatan ang mga alahas kasubong sang kulintas, mga relo nga silver nga ginabanta 20 ka bilog nga nagabalor tanan sang kapin P40, 000.

Dugang pa sini nga may yara na ini nga ginalantaw nga suspek.

Sa karon, padayon pa ang imbestigasyon sang mga kapulisan angut sa nasambit nga insidente.