Matigdas nga ginsiling ni Johnny Daylo, tag-iya sang nagabusong nga kanding nga ginkawat sa Barangay Cadio, Panitan Capiz nga handa ini magpasaka sang nagakaigo nga kaso batuk sa mga kawatan.
Matandaan nga wala sang hadlok nga ginhubad sa lambuhan ang kanding ni Daylo sang wala pa matumod nga mga indibidwal kag madasig nga ginsakay sa traysikol kag ginpalagyo.
Sa interview sang Bombo Radyo sa tag-iya iya ginpahayag nga wala ini naglaum nga kawaton ang amu nga sapat bangud adlaw kag sa pagdumdum nga wala sang may ikasarang nga himuon ini.
Suno diri nga nagtatak lamang sa iya nga pinsar ang isa ka lalaki nga nakasuksok sang pula nga jacket ang naghubad sa iya hinuptanan kag ginbululigan sang duha pa sini ka kaupdanan kag madasig nga nagpalagyo sakay sang traysikol.
Gintinguhaan pa niya ini suno diri nga lagson sakay sang iya motorsiklo apang bangud nga nakaguha na sa highway ang mga kawatan kag ginapahayag nga sunado ang lulutsan sang mga dalan wala na niya ini naabtan pa.
Panugyan sang tag-iya nga siguraduhon ang mga hinuptanan nga sapat bangud subong nga tyempo nagapati ini nga wala na sang ginapili nga oras ang mga kawatan kaangay na lamang sang natabo sa iya nga sapat.
