ROXAS CITY – Arestado ang tatlo ka persona matapos ginserbihan sang warrant of arrest sa Brgy. Loctugan, Roxas City.
Ginkilala ang mga akusado sanday alyas Ben, 30-anyos, alyas Rey, 28-anyos kag alyas John nga lunsay mga residente sang Sitio Riles, Brgy. Lanot sini nga syudad.
Nahibaluan nga nagapangatubang ang nasambit nga mga persona sang kaso nga attempted homicide kag ang warrant of arrest gin-isyu kag ginpermahan ni Hon. Aida Raissa Espinosa, Presiding Judge, MTC 6th Judicial Region, Branch 4, Roxas City, Capiz nga napetsahan sadtong Pebrero 3, 2025.
Ginrekomendar naman sang korte ang tig P36,000 nga piyansa kada isa para sa temporaryo nila sini nga kahilwayan.
Sa karon, nagapabilin ang mga akusado sa Roxas City PNP para sa nagakaigo nga disposisyon.
