Apektado sa gihapon sang red tide ang tatlo ka kadagatan sa pungsod, base sa pinakaulihi nga bulletin sang Bureau of Fisheries and Aquatic Resources.
Ginakalakipan ini sang mga baybayon sang Dauis kag Tagbilaran City sa probinsya sang Bohol; Dumanquillas Bay sa Zamaboanga del Sur; kag ang baybayon sang San Benito sa Surigao del Norte.
Magluwas sa mga nasambit nga lugar nga nagikan sa tatlo ka probinsya, luwas naman sa red tide ang iban pa nga kadagatan sang pungsod.
Ginapanugyanan naman ang publiko nga likawan anay nga manguha sang mga shellfish sa mga nasambit nga lugar bangud delikada nga kainon ang mga ini.
Apang, mahimo sa gihapon nga kuhaon ang mga isda, lokus, hipon, kag mga kasag, basta siguruhon nga mahugasan kag lutuon ang mga ini sang maayo.
