QUEZON CITY – Patay ang tatlo ka tawo samtang pito ang pilason matapos gin-arado sang 18-wheeler ang lima ka mga salakyan kagab-i sa Batasan-San Mateo Road sa Quezon City.
Sa dashcam video, makit-an ang pag-ulhot sang isa ka truck nga madasig ang pagdalagan.
Gilayon na lang nga nagtakilid ang container van sini kag nadagdag.
Lakip sa mga gin-arado sang truck amo ang isa ka kotse, isa ka AUV kag tatlo ka mga motorsiklo.
Natumba man ang poste sang suga sa center island kag narumpag ang atop sang waiting shed.
Dead on the spot ang 38-anyos nga lalaki nga nagahulat lang sang masakyan sini sa waiting shed.
Samtang ang isa pa nga napatay ang wala pa sa gihapon makilala.
Gindala naman sa ospital ang 49-anyos nga lalaki nga nagaangkas sa motorsiklo apang gindeklara ini nga dead on arrival.
Mapangatubang ang truck driver sa reklamo nga reckless imprudence resulting in multiple homicide, multiple physical injuries kag damage to properties.
