Taylor Swift kag Travis Kelce, ‘engaged’ na

Gin-anunsyo sang popstar nga si Taylor Swift kag nobyo nga si Travis Kelce nga engaged na sila.

Sa ila social media account, ginpakigbahin nila ang pahibalo nga may mga tinaga nga  “Your English teacher and your gym teacher are getting married”.

Nagpaambit man sila sang mga litrato nga nagapakita sang singer nga nagasuksok sang diamond ring kag ang football star nga nagaluhod sa isa ka tuhod agud magpropose sang kasal sa singer.

Sa halos duha ka tuig nga relasyon nga nagsugod sang Septyembre 2023, si Swift nagtambong sa halos tanan nga hampang sang Kansas City Chiefs.

Nagbubo naman ang mga pagpanginbulahan gikan sa mga fans sang duha pagkatapos nga gin-anunsyo ang ila nga engagement.