Tensyon sa Strait of Hormuz, nagapadayon matapos ang pag-atake sa tatlo ka mga barko

Nagapadayon ang tensyon sa Strait of Hormuz matapos ang report sang pag-atake sa tatlo ka mga barko malapit sa importante nga alagyan sang langis kag gas.

Sandig sa report, duha ka mga barko ang nadakpan samtang isa ang na-stranded sa baybayon sang Iran.

Panindugan sang Iran, sabat lamang ini sa naval blockade sang Estados Unidos sang Amerika kag mga insidente sa dagat.

Natabo ang insidente pila ka-adlaw matapos ang nagkalain-lain nga pahayag sang US kag Iran natuhoy sa sitwasyon sa strait.

Suno sa mga analyst, nagtuga sang kalituhan ang nagkalain-lain nga mga pahayag sang duha ka mga pungsod kag posible nga ginagamit sang Iran ang kontrol sa lugar bilang leverage sa negosasyon kag pagpataas sang insurance costs sang mga barko.