Nagpakita sang mabaskog nga pagsugod ang Terrafirma Dyip matapos nila lutoson ang Blackwater Bossing sa score nga 99–88.
Sa umpisa pa lang sang hampang,agresibo na dayon ang Terrafirma kag nakakuha sang dako nga kalamangan, lakip na ang 10–0 nga run kag halos 20 points nga abanse sa una nga bahin. Apang nakabawi ang Blackwater paagi sa isa ka mabaskog nga run nga nagpalapit sang score antes matapos ang first half.
Bisan pa sa paningwa sang Blackwater nga makalagas, napabilin gihapon sang Terrafirma ang ila kalamangan. Nagluntad man sang komosyon sa fourth quarter nga nagresulta sa technical fouls bangod sa pisikal nga banggaan sang pila ka manugduwa.
Sang nag-init gid ang duwa, nagpadayon ang Terrafirma sa pagpalapad sang ila abanse paagi sa sunod-sunod nga puntos, lakip ang mga three-point shots kag importante nga mga tira, tubtob nga nakuha gid nila ang kadalag-an.
