Nangin baganihan sa kadalag-an sang Barangay Ginebra si Scottie Thompson batuk sa Magnolia Hotshot Timplados.
Nahibaluan nga nangin liyabe ang three-points shots sini sa ulihi nga segundos sang hampang para lutuson ang Hotshots sa score nga 95-92 sa ila Christmas games sang PBA Commissioner’s Cup nga ginhiwat sa Araneta Coliseum sa Quezon City.
Uyat pa sang Hotshots ang abanse sa mga una nga tatlo ka quarters tubtob ini ang napanubo sang Barangay Ginebra.
Gin-ako ni Ginebra coach Tim Cone nga sa first half, dismayado na ini bangud sa nangin mahina ang ila nga play.
Nagpanguna sa kadalag-an sang Ginebra si Justin Brownlee nga nagpagkit sang 28 points, pito nga rebounds kag lima nga assists samtang may 20 points naman si RJ Abarrientos.
Wala naman nagsalir ang nahimo nga 17 points kag 16 rebounds ni Ricardo Ratliffe para sa Hotshots.
